القمرالباكي
03 مايو، 2010
كم احتاج اليك
كم احتاج اليك
واحتاج لما فيك من اكتمال يغنيني عن العالم
فانا احتاج اليك
احتاج لآمانك ليأخذني من خوفي
و ضيائك ينير الطريق لدربي
و نقاء احساسك يصالحني مع نفسي
فأنا احتاج اليك
احتاج لأكثر من ذكريات تحملني إلي الأشتياق
الأشتياق
لكلماتك تسير بنعومه لمسامعي
و لأحتوائك لتنسيني معاناه وحدتي
لنظرات حنونه من عينيك تحتضني
كم انا احتاجك واشتاق اليك
فانا ضعيفه فبعدك واضعف بين يديك
posted by القمرالباكي at 10:11
50 Comments:
السلام عليكم
أزيك ياقمر يارب تكونى بخير
الله على الاحساس الجميل
نقاء أنفاسك يصالحني مع نفسي
فعلا الحب هو أصدق أحساس ممكن نحسه
دمتى بألف خير وسعادة
لالالا كمان أول تعليق
في زمان يقل يندر فيه وجود عاشق بنفس المواصفات المكتوبة
أتمني لك الخير وأن تنالي ما تتمني
أسعدك الله
اثارت كلماتك بي الشجون و تصارعت الاسئلة تحتاج لاجابات
هل الحب احتياج ؟
ام احساس بالاحتياج
هل الحب امان ؟
ام شعور به
هل الحب مجرد ذكريات ؟؟
هل لديك اجابة
اذا كانت لديك
فانت قلب يحب و يعرف كيف يسعد من احب
تحياتي
جميله ياداليا كالعاده
كلنا محتاجين ومنتظرين
للحنان والحب ولكل شيئ
بس تفتكرى هنلاقى انسان يعطى كل ده
تحيااااااااتى
شعر رومانسى جدا واجمل مافية انك رجعتى الى اصل المراة وهوا ضعفها فقوتها تكمن فى ضعفها وجمالها يكمن فى ضعفها مش زي ستتات دلوقتى الى عاوزين يسترجلوا باى طريقة وفكرين ان دى القوة
كلامك اكتر من رائع استمتعت بيه جدا واتمنالك انك تلاقى الى بدورى علية وانا كمان يااااااااااااااااارب
تحياتى ليكى
قلما نجد هذه الايام امراءة بهذا الاحساس
امراءة حقيقة تحتاج رجلا حقيقيا ليكملا مع انسانيتهم الناقصة.
كم هي جميلة هذه الكلمات وتلك الاحاسي النابعة منها.
ادام الله عليك هذه النعمة.
دمتِ بخير
حبيبتى كلماتك توحى بحب كبير يتملك قلبك ويزداد معه الإشتياق
تحياتى لإحساسك الجميل ودعواتك لكى أن ينير الحب سماء قلبك ويرزقك من الخير ما تتمنين
كلام جميل
تسلمى علية
ربنا يوفقك ويكرمك
مع خالص تحياتى
المهم يكون بيستاهل الكلام دة ويارب ما تكون مراية الحب عامية ...احسنتي
الله عالحب داه ....ربي يرزقك حب الله وحب خلقه ويوعدك بحق حقيقي ...تحياتي
احتاج لأمانك يأخدنى من خوفى..
جميله اوى
وكلها احساس اد ايه لما نحتاج لحد ومش بنلاقيه
بيكون احساس صعب جداا وخصوصا لما يكون جزء منا
رائع يا قمروالله
يارب دايما ف نجاح متواصل
خاطرة جميله
اعتقد كلنا في احتياج هذا الشعور الجميل
ربنا يكرمك وييسر ليكي الخير
كم انا احتاجك واشتاق اليك
فانا ضعيفه فبعدك واضعف بين يديك
الله عليكى وعلى احساسك الرقيق
كلمات فى منتهى الجمال والرقة
سلم احساسك يا قمراية
وردة لعيونك
ربنا يفرحك ويسعدك
ياسلام ياسلام
الله على الحب اللى بينط من بين السطور
ربنا يهنيكى يارب
بجد تعبيرت قوية اوى وخصوصا
احتاج لأمانك يأخدنى من خوفى..
رائع الكلام دة
صباحك سكر وزيادة اوى
السلام عليكم ورحمه الله وبركاته
بجد كلماتك رقيقه ورومانسيه جدا
احساسك رااائع
تسلمى على الكلمات دى
كلمات مليئه بالاحساس
وعجبتنى اوى
مشاعرك بريئه وقمه فى الرقه
تقبلى مرورى
تحياتى
الحب لازم يكون احتواء واحتياجنا للطرف التانى نوع من انواع الحب
بوست متناغم يا داليا
تحياتى ليكى
احلى ما فى الدنيا
هو
ان الانسان يلاقى
حب واقف جنبه
يحضنه
ويمسح عن
عينه
دمعته
مشاعر
حساسه
جميله
استأذنك
فى اضافه
مدوندك
الى
قائمتى
فى مدونتى
المتواضعه
الله الله الله غاية فى الروعة كنت بجد محتاجة أقرى كلام حاسة انة بداخلى وكفاية عنوان البوست
كم أحتاج اليك
وقمة الحب فى ضعف المرأة وقوة الرجل بحنانة وأحتوائة الدائم للمرأة .
سلمت يداكى والتواصل الى الأمام دائما .
وأود المرور فى مدونتى والتشجيع للمواصلة .
تحياتى ياصاحبة القلب الكبير .
دومتى سعيدة .
الحب الجميل
عليكى التوجه سريعا الى مدونتى وتنفي ها الواجب
فانا ضعيفه فبعدك واضعف بين يديك
عندك حق الضعف فعلا في الحالتين
:))
السلام عليكم ورحمه الله وبركاته
بقول معلش لاصدقائي هنا فالمدونه ان اتاخرت عن الرد ع التعليقات
وصباح الخير ليكم جميعا
ليله شتاء
وعليكم السلام ورحمه الله وبركاته
الحمد لله ياليله بخير وبصحه
الله عليكي انتي ديما منوراني بذوقك ورائيك
الحب دنيا من الاحساس كلنا بنحلم بيها
دومتي بخير
أحمد الصعيدي
اهلا بيك شاعري المفضل
تسلم لاحساسك ده وانا كمان اتمني لك ولكل اصدقائنا الحب والسعاده
ويارب الاقيه
هههههههههه
دومت بخير
أحــوال الهـوي
صباح الخير د عصام
اخبارك ايه معلش ع تاخير
هقولك ان الحب احساس بين طرفين بيخلو بعض ديما محتاجين لحبهم ده اكتر واكتر
والحب امان ... امان من الدنيا ونظره تفاؤل للدنيا سعاده وفرحه تشوف كل حاجه حلوه
دومت بخير
داليــــــــــــــــــا
منوراني انتي كالعاده يادوللي
وانتي الاجمل
سؤالك الي انتي موجهاه ليا انا نفسي عايزه ليه اجابه
لان مازلت انتظره وابحث عنه في عيون الناس
ومش لاقيه حب
عشان الاقي الاحساس العالي الي بتمناه ده
بس اكيد هنلاقي اكيد الدنيا لسه فيها خير
يارب يسعدك ويوفقك
دومتي بكل الخير
الأرمـوطــي
ميرسي لك ع تعليقك اسعدني
انا مع ان قوه المراه يكمن في ضعفها
واحتياجها للراجل
الرجل والمراه مكملين لبعض ومش عيب الوحده تحب وتحس ان هي محتاجه حبيبها يقويها ويساندها ونفس الحال مع الرجل
دومت بخير
Ahmad Helmy
اهلا بيك يااحمد في مدونتي واتمني تكون صديق دائم
انا كنت لسه قايله فالتعليق السابق ان المراه والرجل مكملين لبعض
والمفروض كلنا نشوف كده ومفيش احلي من الحب
ميرسي لك
دومت بخير
مرايتى
صباح الخير ياقمر
كلامك بجد عجبني اوي انتي انسانه رقيقه
ربنا يسعدنا جميعا وننول الخير
دومتي بخير
Tamer Nabil
اهلا بيك يااستاذ تامر
ميرسي ع تعليقك وربنا يسعدك
تحياتي لك ودومت بخير
Tarkieb
ادعيلي الاول ان يكون له وجود فحياتي
وتعليقا ع مرايه الحب فهي ليست دائما عاميه
في ناس يستاهلو كل الخير
دومت بخير
كلمات من نور
منوراني ياجميل
الله ع دعائك الجميل يارب يرزقنا جميعا بحب الله وحب خلقه
ويارب تنولي كل خير
اسعدني تعليقك جداااااااااا
دومتي بود
MONTY
اسعدني تعليقك يامونتي
لما بنحب انسان بنحتاج وجوده معانا
وقربه
وبنزعل في عدم وجوده
ربنا سعدك ياقمر
دومتي بخير
غروب
اهلا بيكي ياغروب منوره المدونه
كلنا نفسنا فالحب الحقيقي ربنا يوفقك
دومتي بخير
Ms Venus
اتبسط ان هي عجبتك كده ومبسوطه اكتر بتعليقك فانيت اجمل وارق
ربنا يسعدك وتنولي كل خير
ميرسي ع ورده
وبهديكي بوكيه ورد
فضفضه
ربنا يخليكي ياحبيبتي
تسلمي وربنا يوفقك ويسعدك انتي كمان
NeVeN
صباحك عسل يانيفي
ميرسي ع كلامك بس كويس انك خدتي بالك من الحب الي بينط عقبال ماينط فقلبي
ههههههههههههههه
ربنا يخليكي ياقمر
دومتي بخير
love is live
وعليكم السلام ورحمه الله وبركاته
ميرسي لك واسعدني ان الكلمات عجبتك
الله يسلمك ويارب منورني ديما برائيك
الشـوكة الــنـاعـمـة
اهم حاجه عندي انها تعجبكم
والبراءه الي فالكلمات دي من الحب لان من صفاته البراءه
عجبني تعليقك
واسعدني مرورك كثيراااا
دومتي بخير
ســـهــــر
منوراني سهر
وصباح الخير عليكي
معاكي طبعا ان الحب احتواء
والاحتياج ناتج عن الحب فدائما نحتاج وجود الحبيب ومشاعره لتضئ عالمنا
دومتي بخير
باحث عن حب
اهلا بيك باحث عن الحب
كلامك صحيح وكلنا بنتمني الحب
ومن غير متستاذن طبعا ضفني ويارب التواصل دائما
دومت بخير
الحب الجميل
اهلا بيكي فعالمي الصغير
منوره المدونه طبعا هيكون في تواصل دائم
الحمد لله انك لاقيتي الي كان نفسك تقرائيه فمدونتي المتوضعه
انتي الي جميله عشان كده عجبك الكلام
اسعدني تعليقك
دومتي بخير
الشموع السوداء
اهلا بزيارتك ياشموع ويارب متكونتش الاولي والاخيره
اتمني تنوريني
فعلا فالحالتين ضعف فضعف فالبعد من غيابه وعذاب بعده وفي قربه ضعف من نحيه مشاعرها ليه لكن بيديها قوه فالحياه
دومتي بخير
السلام عليكم
أستغل بقى وجودك بسرعة
ممكن تقرأى البويت الله قبل معاناه قلم
لأنك فعلا متأخرة
بسررررررررررررررررررعة جدااااااااااا
أنتظر قراءة بوست التاج لأخره وأنتظر الرد في قبول الهدية أم لا
السلام عليكم ورحمه الله وبركاته
انا حطيت التاج ياليله وطبعا قابله هديتك ومعلش ع التاخير انا كنت بحضر فيه فالوقت الي انتي بعتي فيه التعليق هنا
دومتي بخير ياقمر
حلوه اوى يا دودى بجد جميله اوى وكلمتها حلوه جدا
لقمر الباكي
لا تجعلي حياتك تتوقف على "من يهب لكِ الحياة"
فحياتك أروع طالما "بيدكِ" أنتِ
:)
جميلة جدااا مشاعرك فعلا
إرسال تعليق
<< Home