القمرالباكي

23 مارس، 2010

انتظرك


                                                                        

  انتظرك
 



انتظرك هنا في نفس المكان


مكان لقائنا الأول والأخير


فكل مره يأخذني الحنين إليك


انتظرك فتأتيني بأحلي الورود


وعلي شفتيك بسمه تسعد أيامي


وتريح قلبا اتعبته الأشواق


فلما لا تأتي هل نسيت موعدي


ام نسيت حبا دوما تمنيته


انتظرك وعقلي يأخذني لحيره


وقلبي ينتفض بين الضلوع


هل ستمر ساعتي بدون قدومك


وتضيع احلاما تحيا برؤياك


سأظل هنا الي اخر موعدي


ومعي غراما وصبرا لاينتهي


فهل ستأتي ؟؟؟؟؟
posted by القمرالباكي at 21:18

53 Comments:

صديقتى داليا
جميله اوى ل قصيدتك ورقيقه وتعبر عن حب جميل
حب هادى وصافى رغم صعوبة الانتظار والحيره
والقلق ال حساها الحبيبه , تسلم ايدك ومشاعلاك
صديقتك دائما

23 مارس، 2010 10:47 م  

السلام عليكم
علي

علي فكرة مافيش افضل من صفحة كاملة
ياريت تعمليها لسهولة التعليق

23 مارس، 2010 11:17 م  

ان شاء الله ربنا يرزقك بالمقابلة المنتظرة
رقيق احساس قلبك وجميلة كلماتك التي رسمها احساسك علي صفحة تدوين اليوم

دمتي بحالة حب

23 مارس، 2010 11:19 م  

السلام عليكم
كلمات جميله اوى
بس ياختى الرجاله ميستهلوش الانتظار ده
واعرفى ان اصعب شيئ فى الدنيا الانتظار
تحياتى يادوللى
وتمنياتى بالتألق دائماااااااا

23 مارس، 2010 11:25 م  

احساسك جميل
وكلامك اجمل حاسة انك بتفكريني بنفسي
لو الكلام ده يخصك اما لو مجرد خاطرة تعبر عن حالة اعتبارية يبقى تسلم ايدكي
تحياتي

24 مارس، 2010 8:06 م  

ما أجملها من أحاسيس

تسلم ايديكي يا حلوة الكلمات

25 مارس، 2010 3:15 ص  

ايها القمر المبتسم

ان شوق الانتظار مؤلم و ولذيذ خصوصا اذا تبعه اللقاء

تعبرين عن الانتظار و الشوق و الارتباط بالمكان برشاقة و سلاسه

ننتظر ابدعاتك
القادمة من دفئ مشاعرك الرقيقة
تحياتي

25 مارس، 2010 8:19 ص  

ربنا يسعدك ويعطيكي كل ماتمنيتي

25 مارس، 2010 2:52 م  

حلوة اوي
بجد احساس عالي
احيكي
عمرو وائل و نبع الاحساس و الملاك البريىء
من الاخر مجلتنا و اسرتها

25 مارس، 2010 7:15 م  

السلام عليكم
جميله اوى كلماتك ورائعه

تقبلى مرورى
زهراء

25 مارس، 2010 7:30 م  

لو حتي مجاش ممكن تلاقي روحه حواليكي تونسك ومتحسسكيش انه بعيد وغايب
كلماتك حلوة خاالص

تحياني

26 مارس، 2010 1:25 م  

فضفضه
اهلا بيكي منوراني ويارب ديما تنوريني
وتسلم ايدك ع التعليق


ذكري رحيل قلم
شكرا ع رائي ربنا يرزقنا جميعا بالمقابله المنتظره واديني عملت بنصيحتك وخليتها صفحه كامله اي خدمه ياجميل

27 مارس، 2010 12:46 ص  

داليا
منوراني كالعاده يادوللي انتي الاجمل وفعلا كتير ميستهلوش الانتظار بس بنأمل فربنا الاقي واحد يستاهل كل حاجه مش الانتظار بس


فكره من الزمن ده
اهلا بيكي ياقمر ربنا يعملك كل خير
وتنولي المقابله المنتظره بكل حب وود


كلمات من النور
الله يسلمك سعدت بتعليقك

27 مارس، 2010 12:51 ص  

أحوال الهوي
اهلا بيك يادكتور مبسوطه بتعليقك
اتمني اكون عند حسن ظنك

27 مارس، 2010 12:54 ص  

sweet angel
تسلمي وسعدت بمرورك ويعملك الخير ياقمر


MeGltNa 3mr Wa2el
شكرا علي الرائ وع المرور الجميل ده

27 مارس، 2010 12:57 ص  

اميرات الاسرار(الساحرات الثلاثه)

طبعا متقبله مرورك يازهراء واتمني التواصل


نهر الحب
تبقي روحه حوليها لو لسه فيه حب منه ليها بس هي مبقتش عارفه مشاعره فين دلوقت نتمنالها تلاقي جنبها
تسلمي ع رائيك

27 مارس، 2010 1:00 ص  

من هذا الذي ان قرأ تلك الكلمات جف قله لدرجة عدم الحنين

هنا سعدت بذلك الاحساس كثيرا

هنا

لاوجود لقمر باكي

السلام علكم ورحمة الله

27 مارس، 2010 8:44 ص  

السلام عليكم
أصعب حاجه هى انتظار حبيب قد لا يأتى
وتتمنى احساس قد لايحدث اتمنالك كل الخير والحب





*************
حلو شكل المدونه والتجديد
وحلو ان يكون للتعليق صفحه منفصله
دمتى بخير وود وحب دائما

27 مارس، 2010 4:08 م  

أتمنى أن يأتي

كي تعود لقلبك الحياة

جميلة وراقية كتابتك أوي يا داليا

وجميل أوي "بصرة علوم دي"

على فكرة أكتر أستاذة بحبها في حياتي

علوم المنصورة

27 مارس، 2010 9:03 م  

سلام عليكم

نعم صديقتي الغالية سيأتي لقلبك الطاهر لليلك الدافئ لاحساسك الراقي...

الانتظار فيه امل وبإذن الله سيأتي


تقبلي مروري وخالص تقديري

28 مارس، 2010 12:38 ص  

فلما لا تأتي هل نسيت موعدي

ام نسيت حبا دوما تمنيته

انتظرك وعقلي يأخذني لحيره

وقلبي ينتفض بين الضلوع


لامستنى اوى كلماتك بجد

تحية ليكى ولإحساسك

اول زيارة ولن تكون الاخيرة ان شاء الله


تقبلى مرورى

28 مارس، 2010 11:01 ص  

السلام عليكم ورحمه الله وبركاته
اجمل حاجه لحظات الانتظار بجد بتكون صعبه وبتكون جميله فى نفس الوقت وجميل قوى الكلمات فيها احساس جميل قوى
تحياتى

28 مارس، 2010 12:38 م  

هيجى
بعد لما يقرأ الكلام الجميل دة لازم يجى

تحياتى لقلمك وروحك المبدعة

28 مارس، 2010 8:22 م  

أحمد الصعيدي
شكرا ع تعليق حضرتك واعمل ايه في هنا قمر باكي امر الله

29 مارس، 2010 5:43 م  

وعليكم السلام


ليلة شتاء
منوراني وتسلمي ويارب ليكي انتي كمان كل الخير والسعاده
اه عملت نيو لوك التجديد مطلوب

29 مارس، 2010 5:43 م  

هبه النيل

اسعدني وجودك لان بحب كتابتك

واسعدني البصره الي احنا فيها

وحبك للاساتذه المنصوره

ويسمع منك ربنا ويجي بس لما اعرف هو مين الاول

29 مارس، 2010 5:46 م  

حـــــ الــجــنــة ـــــور
وعليكم السلام ورحمه الله وبركاته

انتي كده بتشعري فيا ولو سمع كلامك ده اكيييد هيجي جري

منوراني بجد

29 مارس، 2010 5:48 م  

Ms Venus

اهلا باهل اسكندريه تعرفي بحب اسكندريه جدا
سعيده بزيارتك واكيد في تواصل بأذن الله

29 مارس، 2010 5:49 م  

حياة بلا عنوان

فعلا انا بكره الانتظار فمبالك هي المسكينه الي بتنتظر حبيها ربنا يصبرها
تحياتي لكي

29 مارس، 2010 5:51 م  

إمراه من ثلج

طالما رائيك انه لازم يجي هستناااااااااه
هو انا ورايا غير ان استني يوم مايجي الرجل المجهول ده
تسلمي ع ردك ياقمر

29 مارس، 2010 5:52 م  

لقاء المدونين يوم السبت القادم
داخل الجامعه
خلف كليه الزراعه في نادي ااعضاء هيئه التدريس
لمزيد من التفاصيل
عمرو وائل
spero_lover_boy@yahoo

29 مارس، 2010 8:30 م  

انا جييييييييييييييييييييييت....
احم احم.. اقصد يعني جيت المدونة مش جيت مكان اللقاء البتقولي عليه...

بتهيألي لو حد يلاقي الاحاسيس الحلوة دي كلها وميجيش يبقي ميستهلهاش...

اول زيارة ومش الاخير اكيد ان شاء الله..

تحياتي..

29 مارس، 2010 9:59 م  

اهلا بيك يا ابو علي جيت نورت
واهلا بيك فاي وقت واي مكان

29 مارس، 2010 10:13 م  

ما اصعب الانتظار المصحوب بأمل الحياة
متنتظريش حد مجالكيش لحد عندك

وربنا يبعتبك اللى يحبك وميوصلكيش لوقت الانتظار



مساءك حب

30 مارس، 2010 12:51 ص  

ارجوى بلاش تنظرى حتى لو كنتى بتنتظرى الشخص الوحيد اللى قلبك دق لية
تلاشى الصدمات يا عزيزتى
الانتظار كلما طال كبر الجرح

اتمنى تلاقى اللى يسعد قلبك
لان قلبك الجميل دة يستاهل الخير كلة
تحياتى يا توتة

30 مارس، 2010 1:02 ص  

ما أسوء الانتظار عندما لا ندرك النهايه ونتمنى ان تأتى حتى ان كانت سعيده او تعيسه

والحيره اسوء ما فى الانتظار , فتأتى وتذهب الافكار , فى ماذا ولعل وعسى
ويتبدد الرجاء كلما انقضى وقت ليس بطويل لأنها لحظات مره أملين ان تنتهى بالسعاده

كلمات جميله بحييكى عليها
واتمنالك دوام الابداع

30 مارس، 2010 1:45 ص  

NeVeN

عندك حق فعلا لان الانتظار صعب ومحدش يستحقه طالما في تجاهل
منوراني ويارب التواصل

30 مارس، 2010 3:48 م  

سهر
اهلا بيكي فبيتي الصغير ياسهر هعملك ماج شاي
ربنا يسعدك ياقمر وتسلمي ع كلامك الجميل

30 مارس، 2010 3:53 م  

nour shahen

منوراني يانور
ميرسي ع زيارتك الجميله دي

30 مارس، 2010 3:57 م  

دعواتى أن يأتيكى يوما يمسح عنك شقاء الإنتظار وألم الوحده

كلمات رائعه
وإحساس أروع

30 مارس، 2010 5:41 م  

حتما سيكون بعد الانتظـار .. لقاء

لقاء لا نعرف ملامحه بعد


تحياتي لرقة كلماتك
دمتـِ بخير

سارة

31 مارس، 2010 12:58 ص  

فاروق بن النيل ..
لماذا سميت نفسك القمر الباكى :
كيف يبكى القمر وسط الظلام *! وهو دوما مضيئا للبشر والأنام *! يعطى كل محبوب خيوط الإلهام *! ويملأ نومه عشقا وحبا وأحلام *! وينير الطريق ويشفى الأسقام *! طيب الله نفسك عبر الأيام *!وملأ دنياك عطرا وعذب الأنغام*! فكيف بكى تحزنين والله حرام .farouksam.blogspot.com

31 مارس، 2010 3:16 م  

فى زيارة الجمعه إن شاء الله لو حابه تيجى

http://www.facebook.com/topic.php?uid=31660868798&topic=13678

31 مارس، 2010 11:41 م  

لا ياستي أنا مش من الرجالة دول

أنا صعيدي

يعني حاجة زي ما بيقولوا شرقي جدا


أو اي تفسير غلط بيتقال تاني

وده بفضل ربنا

شكرا للزيارة والمتابعة

1 أبريل، 2010 12:02 م  

ازيك داليا اخبارك اية

كلمات جميلة

تسلمى عليها

مع خالص تحياتى

1 أبريل، 2010 2:30 م  

"سأظل هنا الي اخر موعدي

ومعي غراما وصبرا لاينتهي

فهل ستأتي ؟؟؟"

تفتكري لو الاجابة على سؤالك كانت (لا) كان ها يتغير موقفك..؟؟
اعتقد انه اللي يسطر المشاعر الحلوة دي كلها ممكن يكمل الحلم حتى لو بدون امل حقيقي..

عجبني جدا جو المونة الهادي واللون الابيض مع الزهور مريح جدااااااا :)

1 أبريل، 2010 3:52 م  

مرايتي

منوراني يامرايتي
مفيش اصعب من الانتظار
وتسلمي

1 أبريل، 2010 5:32 م  

saragebaly

نتمني لها حدوث اللقاء
اكيد هيكون اوله عتاب عن التاخير والحيره الي سببها لها وما احلي عتاب الاحباب
وبعدها سيمتلئ اللقاء بالاشواق

1 أبريل، 2010 5:34 م  

farouksohair

شكرا ع الشعر الجميل ده
هذا هو قدر القمر هنا

1 أبريل، 2010 5:36 م  

Tamer Nabil

الحمد لله بخير
تسلم يااستاذ تامر منورالمدونه

1 أبريل، 2010 5:38 م  

Timo

لو الاجابه ب لا
هيفضل الحنين والانتظار موجود لايام طويله
وهتعيش ع امل اللقاء وتعيش في قصه وتجد له الاعذار
الي قبل ميقولها هتقبلها
مقدرش اقول نهايتها ايه هيجي والا لاء وعنده عذر حقيقي والا اتهرب
لكن هفضل وراهم واعرف اخرتها

شكرا للتعليق علي شكل المدونه واتفضلها دي حاجه بسيطه

1 أبريل، 2010 5:50 م  

اول تعليق لى بمدونتك
دمتى
بعز
واحساس
ارهف

2 أبريل، 2010 10:04 م  

السلام عليكم
حلوه جدااااااا بجد وتوضح بان صحبتها ارق وهى فعلا هزتنى شويه لان الانتظار شيىء صعب وخصوصا لما نحس انه من غير امل
احييكى على البوست الرائع ده ويارب دايما ناجحه

23 أبريل، 2010 1:04 ص  

إرسال تعليق

<< Home