القمرالباكي

17 فبراير، 2010

لا مش أنت


 
لا مش انت


انهارده جايه اقولكِ لا مش انت


لما الاقي الغدر طبعك


لما الاقي الآه بتدوي جوه صدري

منك انت

لما الاقي احلامي تاهت بين ايديك

لما الاقي كل الحقايق اتزيفت

والمعاني اتجرحت ...

يبقي اقولك لا مش انت


ايوه كارهه حبي ليك

ايوه حاسه بضعفي فيك

ايوه مش راضيه بحنيني ليك


لو نهار الدنيا نهارك


يبقي ليل العتمه داري

لو امان البر حضنك

يبقي غدر البحرحلمي

لو كلامي شيفاه  ف عنيك

يبقي صمتي هيكون قراري


ايوه انهارده جايه اقولك


لا مش انت يا حبيبي

حتي لو عمري ف ايديك

هاانهيه ولا اكون اسيره

حتي قلبي مابين ضلوعي

رافضك ف حياتي تاني

وورده حبي هقطفها بأيديا

وادوس علي قلبي ولا تكون

تاني في يوم حبيبي


انهارده جايه اقولك


ياحبيبي انت سوء اختياري

posted by القمرالباكي at 00:53

16 Comments:

معانى صعبة أوى نحسها ولو حصل بيبقى ألم مع حب ورغبة فى الهروب من هذه العاطفة.. مشاعرك بتفرض نفسها علينا فى كلماتك وبتظهر لينا قدر تعبك ومعاناتك فى هذا الحب.. وفقك الله فى كتاباتك وأحاسيسك

18 فبراير، 2010 1:57 ص  

مدونة مميزة
سعدت جداص بمروري من هنا
تلك هي زيارتي الاول
ارجوا تقبلها

18 فبراير، 2010 10:51 ص  

sabry abo-omar


اتمني فعلا انها تكون فرضت نفسها عليك ده الي محتجاه
اسعدني تعليقك ودومت بخير



محمد عبدالرحمن شحاته

انا الي اسعدت جدا وخاصه اني جديده فالتدوين واول بوست ليا يارب تكون الزياره الاولي ومش الاخيره

18 فبراير، 2010 7:57 م  

نورتي مدونتي يابنت بلدي
انا كمان من المنصوره بين قوسين " بلقاس "
واهلاً بيكي في عالمنا الكبير عالم التدوين
وان شاء الله يدوم التواصل

19 فبراير، 2010 11:09 ص  

بممالسلام عليكم ورحمة الله وبركاتة

ربنا يكرمك يارب والمسلمين

وكلامات جميلة ورقيقة

21 فبراير، 2010 2:09 م  

كلماتها جميلة

عايزة شوية تظبيط و تبقى قصيدة عامية

22 فبراير، 2010 3:24 م  

كلمات احساسها طالع صعب أكيد كمان الى جو اصعب

تسلم ايدك وربنا يفرح قلبك يارب

أهلا بيكى فى عالم التدوين

22 فبراير، 2010 8:05 م  

بس انت صبرتي كتير وفي الاخر جه الحساب طويل...ياخوفي يكون كلام في لحظة غضب...ربنا يوفقكم ويبعد عنكم العين...وبصراحة زعلك وحش وكان الله في عونه وضميره...طبعا قاصد انت علشان الكلام على لسانك ومش شرط تكوني انت...بس بجد استمتعت بكل مرة ظهرت كلمة لا مش انت حسيت انها كل مرة ليها طعم تاني وجديدة والله برافو عليكي

23 فبراير، 2010 12:04 م  

السلام عليكم

ياجماعه بجد الموضوع مش شخصي ولا بتعذب ولا حاجه بس موضوع حسيت بيه فكتبته

محمد عبدالرحمن شحاته
نورتني لتاني مره وربنا يديم التواصل


طهر فؤادك
ربنا يخليك ويكرمك وتسلم ع زيارتك نورتني بجد

Sharm
اوعدك هحاول اضبط المره الجايه مبتدئه بقي بس تشوفها واسمع تعليق احلي

مرايتى
منوره يابنت بلدي وتسلمي وربنا يفرح قلوبنا جميعا

Tarkieb
فعلا صاحبت التجربه اكيد تعبت كتير وصبرت
ومبسوطه جدا بتعليقك وبالذات ببرافو عليكي

23 فبراير، 2010 11:14 م  

السلام عليكم
حلو الاحساس ده أوى وفيه تحدى رائع
دام قلمك وأتمنى التواصل

25 فبراير، 2010 7:43 م  

السلام عليكم

جميلة جدا كلماتك كلها احساس فاضل لحن جميل وهتبقي

وهتبقي اغنية جميلة

تحياتي

26 فبراير، 2010 10:08 ص  

السلام عليكم
دوللى ازيك
عايزه اقلك بجد انا حاسه كلامك ده اووووووووووووى
ومعجبه بقرارك الا اخدتيه ده
مش لاقيه كلام يكفى انى اشرحلك فيه عن اعجابى
واعرفى ان ده كاس مر
ودار على الكل
ربنا يكرمك ويعوضك يارب
واتمنا دوام التواصل بنا
ونلقى دائما على حب

26 فبراير، 2010 1:07 م  

بجد من غير مجاملة اتأثرت أوى ياداليا بكلامك القمة فى الروعة دة وخاصة الابيات دى
لا مش انت يا حبيبي

حتي لو عمري ف ايديك

هاانهيه ولا اكون اسيره

حتي قلبي مابين ضلوعي

رافضك ف حياتي تاني وشكرا لمرورك بمدونتى ةأتمنى دوام التواصل

27 فبراير، 2010 12:25 ص  

ربي يبعد عنك الأحزان ويهب قلبك حب الله و الناس ويحبب خلقه فيكي ..كلام جميل بالرغم من حزنه إلا أنه صرخة تعبير قوية ......تسلم إيديكي يا فتاتي ..ومرحبا بك في عالم التدوين

8 مارس، 2010 4:10 ص  

السلام عليكم

ليله شتاء
انا الي مبسوطه بالمرور وبأن الله هيكون يف تواصل ديما

ذكري رحيل قلم

ميرسي علي الكلام الجميل ده نورت المدونه

داليا
منوره ياجميل يادودو ياعسل مبسوطه بيكي عشان نفس الاسم وتسلمي ع مرورك يارب نتواصل ديما ونكون اصحاب


إمرأه من ثلج

منوره ويارب ديما يعجبك الي بكتبه وبأذن الله يكون في تواصل


كلمات من نور

سعدت بمرورك جدا وتسلمي.
امين يارب ولكل المسلمين دومتي بخير

9 مارس، 2010 7:48 م  

لو نهار الدنيا نهارك

يبقي ليل العتمه داري

لو امان البر حضنك

يبقي غدر البحرحلمي

لو كلامي شيفاه ف عنيك

يبقي صمتي هيكون قراري

جميلة أوي الكلمات دي
بداية هايلة
دمتى دائما بود ومنتظرة كل جديد ليكي

19 مارس، 2010 8:21 م  

إرسال تعليق

<< Home